Ұлттық сараптама орталығы тұрғын және қоғамдық ғимараттар үшін шуыл оқшаулау өлшемдерін жүргізу және сараптамалық қорытынды беру қызметтерін ұсынады. Өлшемдер білікті мамандармен, заманауи жоғары дәлдіктегі құрал-жабдықтарды пайдалана отырып, қолданыстағы санитарлық нормаларға сәйкес жүзеге асырылады.

Рұқсат етілген деңгейден асып кеткен тұрақты шуыл деңгейі адамның жүйке жүйесіне айтарлықтай теріс әсер етіп, ауыр аурулардың себебі болуы мүмкін. Халықтың денсаулығын қорғау мақсатында тұрғын үйлердің құрылысында шуыл деңгейін зерттеуге арналған кешенді зертханалық өлшемдер жүргізіледі.

Ғимараттың шуыл оқшаулау сипаттамалары санитарлық-эпидемиологиялық сараптаманы жүргізуге өкілетті мемлекеттік орган шығарған сараптамалық қорытындымен расталады. Қорытынды аккредиттелген зертханаларда жүргізілген сынақтардың нәтижелеріне негізделеді. Мұндай қорытындыны беру құқығы тек қана Ұлттық сараптама орталығына беріледі.

Біз жаңа тұрғын және қоғамдық ғимараттарда қоршаушы конструкциялардың (ішкі және пәтер аралық қабырғалар, төбелер, төсеніш элементтері) ауаның және соққы шуылын өлшеу бойынша келесі қызметтерді ұсынамыз:

• Сарапшылардың нысанға барып, сынақ үй-жайларын дайындауы;
• Фондық шуыл деңгейін өлшеу;
• Ауа және соққы шуыл деңгейін өлшеу;
• Реверберация уақытын өлшеу;
• Зерттеу нәтижелерін өңдеу және талдау;
• Өлшеу нәтижелері көрсетілген сынақ хаттамасын жасау және сараптамалық қорытынды беру.

Жоғары деңгейдегі шуыл оқшаулау жобалау және құрылыс сатысында кешенді тәсіл арқылы ғана қол жеткізіледі. Жаңа үйден пәтер сатып алатын әр тұрғын өзінің үйінің жайлы әрі қауіпсіз болатынына сенімді болуы тиіс.

Ұлттық сараптама орталығы халықтың санитарлық-эпидемиологиялық салауаттылығы саласындағы қызметті жүзеге асыратын мемлекеттік ұйым болып табылады.

Қызметтерге nce.kz ресми сайтында «Қызметтер» тарауында тапсырыс беруге болады.

Сурет галереясы